ABS-CBN panalo sa national at primetime TV ratings!

Kasing-init ng summer ang pagtanggap ng mga Pilipino sa ABS-CBN sa kani-kanilang mga tahanan matapos manguna ang Kapamilya Network sa national TV ratings noong Marso at patuloy na namamayagpag sa primetime, kabilang na sa Mega at Metro Manila.

Base sa pinakahuling datos ng pinagkakatiwalaang Kantar Media na kilala sa pananaliksik sa manonood ng TV sa iba’t ibang bansa, mas mara­ming Pilipino ang nakatutok sa ABS-CBN buong araw sa averageaudience share na 36% na mas mataas sa GMA na may 34%.

Pinakamaraming nanonood sa Dos tuwing prime­­time (6 p.m. – 12 m.n.) matapos itong magtamo ng national primetime audience share na 44% o 15 puntos ang lamang sa primetime block ng GMA. Lalo pang lumalakas ang pagtangkilik ng publiko sa Primetime Bida dahil tumaas ang audience share nito mula 41.4% noong Pebrero.

Maging sa sinasabing balwarte ng kalabang network na Mega at Metro Manila ay panalo ang ABS-CBN pagdating sa primetime lalo pa’t sa oras na ito mas maraming nanonood ng telebisyon at mas maraming advertisers ang naglalagay ng kanilang patalastas. Nakapagtala ang ABS-CBN na 36% audience share kontra 34% ng GMA sa Mega Manila habang 38% naman ang audience share nito sa Metro Manila kumpara sa 32% ng GMA.

Sa lahat ng programa sa primetime, Walang Hanggan ang pinaka-namama­yagpag sa buong bansa sa national TV rating na 35.2% kumpara sa kalabang My Beloved na may 16%. Maging sa Mega Manila at Metro Manila, pinaka-pinapanood ang serye nina Coco Martin at Julis Montes sa rating na 29.3% vs 20.2% sa Mega at 31.5% vs 19% naman sa Metro.

Nananatili ring numero uno ang ABS-CBN sa iba pang rehiyon sa bansa kabilang na ang Balance Luzon kung saan wagi ito sa audience share na 39% laban sa 35% ng GMA; sa Visayas na may 48% audien­ce share kontra 23%; at sa Mindanao kung saan nanlamon ang ABS-CBN sa audience share na 54% laban sa 16% lang ng Kapuso.

Iniulat din ng Kantar Me­­dia na siyam sa Top 10 na pinaka-pinapanood na prog­rama sa bansa ay mula sa ABS-CBN habang nakuha naman ng isang blocktimer na nagpapalabas ng kanilang prog­rama sa GMA ang ika-sampung puwesto.

Wala pa ring makatalo sa nangungunang te­­­le­­serye sa bansa na Walang Hanggan sa ave­­rage national TV rating na 35.2%. Sinundan naman ito ng iba pang Primetime Bida soaps na Budoy (29%), E-Boy(28.9%), at Dahil sa Pag-ibig (27.8%).


Nangunguna naman ang MMK (28%) pagsapit ng weekend na sinusundan ngWansapanataym (23.8%), habang nananatiling numero unong newscast angTV Patrol sa average national TV rating na 25.2%. Pagdating naman sa cur­rent affairs programs, Rated K ang nangunguna sa rating na 22.4%.

Ang bagong programa ni Sarah Geronimo na Sarah G. Live ay agad na pumasok sa ika-siyam na puwesto sa average national TV rating na 21.4%.

Patuloy namang lumalakas ang late afternoon block (3PM to 6 PM) ng ABS-CBN matapos tumaas ang average national audience share nito mula 29.1% noong Enero 2012 hangagng 34% noong nakaraang Marso 2012.

Maging sa radyo ay nanguna ang AM station ng ABS-CBN noong Pebrero sa Mega Manila sa audience share na 42.1%, mas mataas ng 14.4 putos kaysa sa 27.7% ng DZBB ng GMA base sa datos ng Nielsen Mega Manila RAM.

Kasalukuyang naka-subscribe sa ratings services ng Kantar Media, isang multinational market re­search group na nagsasagawa ng audience measurement surveys sa mahigit 80 bansa, ang 22 TV networks, ad agencies, at pan-regional net­works.

Kabilang sa mga subscribers nito ang ABS-CBN, NBN, Sky Cable, J. Romero and Associates, Ad­formatix, Starcom, OMD, PhD, Mediacom, Mind­share, MEC, Maxus, Universal McCann, at Wellmade Manufacturing Corporation.

Naka-subscribe rin sa kanila ang pan-regional net­works tulad ng CSM Media Inc., Fox Internatio­nal Channels, Star HK, Discovery, AXN, HBO, MTV, at Sony Pictures Television International.

-PSN